ದೇಶದ ಬಡ ಕುಟುಂಬದ ಮಹಿಳೆಯರು ಅಡುಗೆ ಮನೆಯಲ್ಲಿ ಹೊಗೆಯಿಂದ ಪಡುವ ಕಷ್ಟಕ್ಕೆ ಮುಕ್ತಿ ಹಾಡಲು ಕೇಂದ್ರ ಸರ್ಕಾರ ಮತ್ತೊಮ್ಮೆ ಮುಂದಾಗಿದೆ. ಪ್ರಧಾನ ಮಂತ್ರಿ ಉಜ್ವಲ ಯೋಜನೆಯ (PMUY 2.0) ಅಡಿಯಲ್ಲಿ ಅರ್ಹ ಮಹಿಳೆಯರಿಗೆ ಸಂಪೂರ್ಣ ಉಚಿತವಾಗಿ ಎಲ್ಪಿಜಿ (LPG) ಗ್ಯಾಸ್ ಸಂಪರ್ಕ ಮತ್ತು ಸ್ಟೌವ್ ನೀಡಲು ಅರ್ಜಿ ಆಹ್ವಾನಿಸಲಾಗಿದೆ.
ವಿಶೇಷವಾಗಿ ಹೊಸದಾಗಿ ಮದುವೆಯಾಗಿ ಪ್ರತ್ಯೇಕವಾಗಿ ವಾಸಿಸುವ ಅಥವಾ ಹೊಸದಾಗಿ ಸಂಸಾರ ನಡೆಸುವ ಕುಟುಂಬಗಳಿಗೆ ಈ ಯೋಜನೆಯು ವರದಾನವಾಗಲಿದ್ದು, ಈ ಯೋಜನೆಯಡಿ ಏನೆಲ್ಲಾ ಸಿಗಲಿದೆ? ಅರ್ಜಿ ಸಲ್ಲಿಸುವುದು ಹೇಗೆ? ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಫಲಾನುಭವಿಗಳಿಗೆ ಏನೆಲ್ಲಾ ‘ಉಚಿತ’ವಾಗಿ ಸಿಗಲಿದೆ?
ಈ ಯೋಜನೆಯಡಿ ಆಯ್ಕೆಯಾದ ಮಹಿಳೆಯರಿಗೆ ಸರ್ಕಾರದಿಂದ ಈ ಕೆಳಗಿನ ವಸ್ತುಗಳು ಉಚಿತವಾಗಿ ಸಿಗಲಿವೆ:
- ಗ್ಯಾಸ್ ಸ್ಟೌವ್: ಎರಡು ಬರ್ನರ್ ಇರುವ ಗ್ಯಾಸ್ ಸ್ಟೌವ್ (Hotplate).
- ಮೊದಲ ರೀಫಿಲ್ ಫ್ರೀ: ಮೊದಲನೇ ಬಾರಿ ಗ್ಯಾಸ್ ತುಂಬಿದ ಸಿಲಿಂಡರ್ ಉಚಿತ.
- ಸಿಲಿಂಡರ್: 14.2 ಕೆಜಿ ಅಥವಾ 5 ಕೆಜಿಯ ಎಲ್ಪಿಜಿ ಸಿಲಿಂಡರ್ (ಠೇವಣಿ ಇಲ್ಲದೆ).
- ಇತರೆ: ಗ್ಯಾಸ್ ರೆಗ್ಯುಲೇಟರ್, 1.2 ಮೀಟರ್ ಸುರಕ್ಷತಾ ಪೈಪ್ ಮತ್ತು ಗ್ಯಾಸ್ ಪಾಸ್ಬುಕ್ (DGCC).
ಬಂಪರ್ ಬೋನಸ್: ಕೇವಲ ಕನೆಕ್ಷನ್ ಅಷ್ಟೇ ಅಲ್ಲ, ವರ್ಷಕ್ಕೆ 12 ಸಿಲಿಂಡರ್ಗಳವರೆಗೆ ಪ್ರತಿ ಸಿಲಿಂಡರ್ಗೆ ₹300 ನೇರ ಸಬ್ಸಿಡಿ (Subsidy) ನಿಮ್ಮ ಬ್ಯಾಂಕ್ ಖಾತೆಗೆ ಜಮೆಯಾಗಲಿದೆ.
ಯಾರೆಲ್ಲಾ ಅರ್ಜಿ ಸಲ್ಲಿಸಬಹುದು?
- ಅರ್ಜಿದಾರರು ಕಡ್ಡಾಯವಾಗಿ ಮಹಿಳೆಯೇ ಆಗಿರಬೇಕು ಮತ್ತು 18 ವರ್ಷ ಮೇಲ್ಪಟ್ಟಿರಬೇಕು.
- ಅರ್ಜಿದಾರರ ಕುಟುಂಬದಲ್ಲಿ ಈಗಾಗಲೇ ಯಾವುದೇ ಗ್ಯಾಸ್ ಸಂಪರ್ಕ ಇರಬಾರದು.
- ಬಡತನ ರೇಖೆಗಿಂತ ಕೆಳಗಿರುವ (BPL) ಕುಟುಂಬಗಳಿಗೆ ಆದ್ಯತೆ.
- ಹೊಸ ನಿಯಮ: ಹೊಸದಾಗಿ ಮದುವೆಯಾದ ದಂಪತಿಗಳು ಅಥವಾ ವಲಸೆ ಕಾರ್ಮಿಕರು ಪಡಿತರ ಚೀಟಿ ಇಲ್ಲದಿದ್ದರೂ ಸ್ವಯಂ ದೃಢೀಕರಣ ಪತ್ರ ನೀಡಿ ಅರ್ಜಿ ಸಲ್ಲಿಸಬಹುದು.
PM Ujjwala Yojana ಬೇಕಾಗುವ ದಾಖಲೆಗಳು:
- ಆಧಾರ್ ಕಾರ್ಡ್ (ವಿಳಾಸ ಮತ್ತು ಗುರುತಿನ ಚೀಟಿಗಾಗಿ).
- ಪಡಿತರ ಚೀಟಿ (Ration Card).
- ಬ್ಯಾಂಕ್ ಪಾಸ್ಬುಕ್ ಜೆರಾಕ್ಸ್.
- ಪಾಸ್ಪೋರ್ಟ್ ಅಳತೆಯ ಭಾವಚಿತ್ರ.
- ಚಾಲ್ತಿಯಲ್ಲಿರುವ ಮೊಬೈಲ್ ಸಂಖ್ಯೆ.
ಅರ್ಜಿ ಸಲ್ಲಿಸುವುದು ಹೇಗೆ?
ನೀವು ಆನ್ಲೈನ್ ಅಥವಾ ಆಫ್ಲೈನ್ ಮೂಲಕ ಸುಲಭವಾಗಿ ಅರ್ಜಿ ಸಲ್ಲಿಸಬಹುದು:
- ವಿಧಾನ 1 (ಆನ್ಲೈನ್): ಅಧಿಕೃತ ವೆಬ್ಸೈಟ್
pmuy.gov.inಗೆ ಭೇಟಿ ನೀಡಿ, “Apply for New Ujjwala 2.0 Connection” ಮೇಲೆ ಕ್ಲಿಕ್ ಮಾಡಿ. ನಿಮ್ಮ ವಿವರಗಳನ್ನು ತುಂಬಿ, ದಾಖಲೆ ಅಪ್ಲೋಡ್ ಮಾಡಿ. - ವಿಧಾನ 2 (ಗ್ಯಾಸ್ ಏಜೆನ್ಸಿ): ನಿಮ್ಮ ಹತ್ತಿರದ ಇಂಡೇನ್ (Indane), ಭಾರತ್ ಗ್ಯಾಸ್ (Bharat Gas) ಅಥವಾ ಎಚ್ಪಿ (HP) ಗ್ಯಾಸ್ ಏಜೆನ್ಸಿಗೆ ಭೇಟಿ ನೀಡಿ, ಫಾರ್ಮ್ ಭರ್ತಿ ಮಾಡಿ ದಾಖಲೆಗಳನ್ನು ಸಲ್ಲಿಸಿ.
- ವಿಧಾನ 3 (ಜನಸೇವಾ ಕೇಂದ್ರ): ಹತ್ತಿರದ CSC ಸೆಂಟರ್ಗೆ ಹೋಗಿ ಅರ್ಜಿ ಸಲ್ಲಿಸಬಹುದು.
ಈ ಯೋಜನೆಯ ಲಾಭವನ್ನು ಒಂದು ಕುಟುಂಬ ಒಮ್ಮೆ ಮಾತ್ರ ಪಡೆಯಬಹುದು. ನಿಮ್ಮ ಮನೆಯಲ್ಲಿ ಇನ್ನೂ ಗ್ಯಾಸ್ ಸಂಪರ್ಕ ಇಲ್ಲದಿದ್ದರೆ, ಅಥವಾ ನಿಮ್ಮ ಅಕ್ಕಪಕ್ಕದ ಬಡ ಕುಟುಂಬಗಳಿಗೆ ಈ ಮಾಹಿತಿಯನ್ನು ತಲುಪಿಸಿ. ಸರ್ಕಾರದ ಸವಲತ್ತು ಅರ್ಹರಿಗೆ ಸಿಗಲಿ.
ಇತರೆ ಮಾಹಿತಿಗಳನ್ನು ಓದಿ:
National Gokul Mission: ‘ರಾಷ್ಟ್ರೀಯ ಗೋಕುಲ ಮಿಷನ್’ನಿಂದ ₹2 ಕೋಟಿವರೆಗೆ ಸಬ್ಸಿಡಿ
Udyogini Scheme: 1.5 ಲಕ್ಷ ರೂ. ಸಹಾಯಧನಕ್ಕೆ ಆನ್ಲೈನ್ ಅರ್ಜಿ ಆಹ್ವಾನ
