ಆರ್ಥಿಕ ಸಮಸ್ಯೆಯಿಂದಾಗಿ ಯಾವುದೇ ವಿದ್ಯಾರ್ಥಿಯ ಶಿಕ್ಷಣ ಅರ್ಧಕ್ಕೆ ನಿಲ್ಲಬಾರದು ಎಂಬ ಉದ್ದೇಶದಿಂದ HDFC ಬ್ಯಾಂಕ್ ತನ್ನ CSR ಉಪಕ್ರಮದಡಿ “HDFC Bank Parivartan Scholarship 2026-27” ಗಾಗಿ ಆನ್ಲೈನ್ ಮೂಲಕ ಅರ್ಜಿ ಆಹ್ವಾನಿಸಿದೆ.
ಈ ಕಾರ್ಯಕ್ರಮದಡಿ 1 ರಿಂದ 12 ನೇ ತರಗತಿಯವರೆಗಿನ ಶಾಲಾ ವಿದ್ಯಾರ್ಥಿಗಳಿಗೆ ಹಾಗೂ ಡಿಪ್ಲೊಮಾ, ಐಟಿಐ, ಪಾಲಿಟೆಕ್ನಿಕ್, ಯುಜಿ (UG) ಮತ್ತು ಪಿಜಿ (PG) ಕೋರ್ಸ್ಗಳನ್ನು (ಸಾಮಾನ್ಯ ಮತ್ತು ವೃತ್ತಿಪರ) ವ್ಯಾಸಂಗ ಮಾಡುತ್ತಿರುವ ಅರ್ಹ ವಿದ್ಯಾರ್ಥಿಗಳಿಗೆ ರೂ. 15,000 ದಿಂದ ರೂ. 75,000 ವರೆಗೆ ಆರ್ಥಿಕ ಸಹಾಯವನ್ನು ಒದಗಿಸಲಾಗುತ್ತದೆ.
HDFC Bank Parivartan Scholarship 2026 ಮೊತ್ತದ ವಿವರ:
ಆಯ್ಕೆಯಾದ ವಿದ್ಯಾರ್ಥಿಗಳು ತಾವು ಓದುತ್ತಿರುವ ತರಗತಿ/ಕೋರ್ಸ್ಗೆ ಅನುಗುಣವಾಗಿ ಈ ಕೆಳಗಿನಂತೆ ವಿದ್ಯಾರ್ಥಿವೇತನವನ್ನು ಪಡೆಯುತ್ತಾರೆ:
- 1 ರಿಂದ 6 ನೇ ತರಗತಿ ವಿದ್ಯಾರ್ಥಿಗಳಿಗೆ: ರೂ. 15,000
- 7 ರಿಂದ 12 ನೇ ತರಗತಿ, ಐಟಿಐ, ಡಿಪ್ಲೊಮಾ, ಪಾಲಿಟೆಕ್ನಿಕ್: ರೂ. 18,000
- ಸಾಮಾನ್ಯ ಯುಜಿ (UG) ಕೋರ್ಸ್ಗಳಿಗೆ (B.Com, B.Sc, BA ಇತ್ಯಾದಿ): ರೂ. 30,000
- ವೃತ್ತಿಪರ ಯುಜಿ (UG) ಕೋರ್ಸ್ಗಳಿಗೆ (B.Tech, MBBS, LLB, B.Arch, Nursing ಇತ್ಯಾದಿ): ರೂ. 50,000
- ಸಾಮಾನ್ಯ ಪಿಜಿ (PG) ಕೋರ್ಸ್ಗಳಿಗೆ (M.Com, MA ಇತ್ಯಾದಿ): ರೂ. 35,000
- ವೃತ್ತಿಪರ ಪಿಜಿ (PG) ಕೋರ್ಸ್ಗಳಿಗೆ (M.Tech, MBA ಇತ್ಯಾದಿ): ರೂ. 75,000
ಅರ್ಜಿ ಸಲ್ಲಿಸಲು ಪ್ರಮುಖ ಅರ್ಹತೆಗಳು:
- ಶಿಕ್ಷಣ: ಅರ್ಜಿದಾರರು ಪ್ರಸ್ತುತ 1 ರಿಂದ 12 ನೇ ತರಗತಿಗಳಲ್ಲಿ, ಡಿಪ್ಲೊಮಾ/ಐಟಿಐ, ಅಥವಾ ಭಾರತದ ಮಾನ್ಯತೆ ಪಡೆದ ಕಾಲೇಜು/ವಿಶ್ವವಿದ್ಯಾಲಯದಲ್ಲಿ ಪೂರ್ಣ ಸಮಯದ ಪದವಿ (UG) ಅಥವಾ ಸ್ನಾತಕೋತ್ತರ (PG) ಕಾರ್ಯಕ್ರಮಕ್ಕೆ ದಾಖಲಾಗಿರಬೇಕು.
- ಅಂಕಗಳು: ಇತ್ತೀಚಿನ ಅರ್ಹತಾ ಪರೀಕ್ಷೆಯಲ್ಲಿ ಕನಿಷ್ಠ 55% ಅಂಕಗಳನ್ನು ಪಡೆದಿರಬೇಕು.
- ಆದಾಯ ಮಿತಿ: ಕುಟುಂಬದ ವಾರ್ಷಿಕ ಆದಾಯವು ಎಲ್ಲಾ ಮೂಲಗಳಿಂದ ರೂ. 2.5 ಲಕ್ಷಗಳನ್ನು ಮೀರಬಾರದು.
- ಪೌರತ್ವ: ಈ ವಿದ್ಯಾರ್ಥಿವೇತನವು ಕೇವಲ ಭಾರತೀಯ ಪ್ರಜೆಗಳಿಗೆ ಮಾತ್ರ ಮುಕ್ತವಾಗಿದೆ.
- ವಿಶೇಷ ಆದ್ಯತೆ (Crisis Category): ಕಳೆದ ಮೂರು ವರ್ಷಗಳಲ್ಲಿ ವೈಯಕ್ತಿಕ ಅಥವಾ ಕೌಟುಂಬಿಕ ಬಿಕ್ಕಟ್ಟನ್ನು (ಸಂಪಾದಿಸುವ ಸದಸ್ಯರ ಸಾವು, ಉದ್ಯೋಗ ನಷ್ಟ, ನೈಸರ್ಗಿಕ ವಿಕೋಪ, ಗಂಭೀರ ಅನಾರೋಗ್ಯ ಇತ್ಯಾದಿ) ಅನುಭವಿಸಿ, ಶಾಲೆಯಿಂದ ಹೊರಗುಳಿಯುವ ಅಪಾಯದಲ್ಲಿರುವ ಅರ್ಜಿದಾರರಿಗೆ ಆಯ್ಕೆಯಲ್ಲಿ ವಿಶೇಷ ಆದ್ಯತೆ ನೀಡಲಾಗುವುದು.
HDFC Bank Parivartan Scholarship 2026 ಅಗತ್ಯ ದಾಖಲೆಗಳು:
ಅರ್ಜಿ ಸಲ್ಲಿಸುವಾಗ ಈ ಕೆಳಗಿನ ದಾಖಲೆಗಳನ್ನು ಕಡ್ಡಾಯವಾಗಿ ಸ್ಕ್ಯಾನ್ ಮಾಡಿ ಅಪ್ಲೋಡ್ ಮಾಡಬೇಕು:
- ಇತ್ತೀಚಿನ ಪಾಸ್ಪೋರ್ಟ್ ಗಾತ್ರದ ಭಾವಚಿತ್ರ.
- ಹಿಂದಿನ ವರ್ಷದ (2025-26) ಅಂಕಪಟ್ಟಿ.
- ಅರ್ಜಿದಾರರ ಸರ್ಕಾರ ನೀಡಿದ ಗುರುತಿನ ಪುರಾವೆ (ಆಧಾರ್ ಇತ್ಯಾದಿ).
- 2026-27ನೇ ಸಾಲಿನ ಪ್ರಸ್ತುತ ವರ್ಷದ ಪ್ರವೇಶ ಪುರಾವೆ (ಶುಲ್ಕ ರಶೀದಿ / ಪ್ರವೇಶ ಪತ್ರ / ಸಂಸ್ಥೆಯ ಗುರುತಿನ ಚೀಟಿ / ಬೋನಾಫೈಡ್ ಪ್ರಮಾಣಪತ್ರ).
- ಬ್ಯಾಂಕ್ ಖಾತೆ ವಿವರಗಳು (ಅರ್ಜಿದಾರರ ಅಥವಾ ಪೋಷಕರ ಹೆಸರಿನಲ್ಲಿರುವ ಪಾಸ್ಬುಕ್ ಪ್ರತಿ ಅಥವಾ ರದ್ದಾದ ಚೆಕ್).
- ಆದಾಯ ಪುರಾವೆ (ಯಾವುದಾದರೂ ಒಂದು): ತಹಶೀಲ್ದಾರ್ / SDM / ಗ್ರಾಮ ಪಂಚಾಯತ್ / ವಾರ್ಡ್ ಕೌನ್ಸಿಲರ್ ನೀಡಿದ ಆದಾಯ ಪ್ರಮಾಣಪತ್ರ ಅಥವಾ ಅಫಿಡವಿಟ್.
- ಕುಟುಂಬ ಅಥವಾ ವೈಯಕ್ತಿಕ ಬಿಕ್ಕಟ್ಟಿನ ಪುರಾವೆ (ಅನ್ವಯಿಸಿದರೆ ಮಾತ್ರ): ಮರಣ ಪ್ರಮಾಣಪತ್ರ, ಅಧಿಕೃತ ಉದ್ಯೋಗದಾತ ಪತ್ರ, ವೈದ್ಯಕೀಯ ವರದಿ, ನೈಸರ್ಗಿಕ ವಿಕೋಪ ದೃಢೀಕರಣ ದಾಖಲೆ ಇತ್ಯಾದಿ.
ಅರ್ಜಿ ಸಲ್ಲಿಸುವುದು ಹೇಗೆ?:
- Buddy4Study ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ ‘HDFC Bank Parivartan ECSS Programme 2026-27’ ಪುಟವನ್ನು ತೆರೆಯಿರಿ (ನಿಮ್ಮ ಕೋರ್ಸ್ಗೆ ತಕ್ಕಂತೆ ಶಾಲಾ, UG ಅಥವಾ PG ವಿಭಾಗವನ್ನು ಆಯ್ಕೆ ಮಾಡಿ).
- ಅಲ್ಲಿರುವ ‘Apply Now’ ಬಟನ್ ಮೇಲೆ ಕ್ಲಿಕ್ ಮಾಡಿ.
- ನಿಮ್ಮ ಇಮೇಲ್, ಮೊಬೈಲ್ ಸಂಖ್ಯೆ ಅಥವಾ Google ಖಾತೆಯನ್ನು ಬಳಸಿಕೊಂಡು Buddy4Study ನಲ್ಲಿ ರಿಜಿಸ್ಟರ್ ಅಥವಾ ಲಾಗಿನ್ ಆಗಿ.
- ಅರ್ಜಿ ನಮೂನೆ ಪುಟ ತೆರೆದ ನಂತರ ‘Start Application’ ಬಟನ್ ಕ್ಲಿಕ್ ಮಾಡಿ.
- ಆನ್ಲೈನ್ ಅರ್ಜಿಯಲ್ಲಿ ಕೇಳಲಾದ ಎಲ್ಲಾ ವಿವರಗಳನ್ನು ಭರ್ತಿ ಮಾಡಿ.
- ಮೇಲೆ ತಿಳಿಸಿದ ಸಂಬಂಧಿತ ದಾಖಲೆಗಳನ್ನು ಅಪ್ಲೋಡ್ ಮಾಡಿ.
- ‘ನಿಯಮಗಳು ಮತ್ತು ಷರತ್ತುಗಳನ್ನು’ ಒಪ್ಪಿಕೊಂಡು, ‘Preview’ ಕ್ಲಿಕ್ ಮಾಡಿ ಮಾಹಿತಿಯನ್ನು ಮರುಪರಿಶೀಲಿಸಿ.
- ಎಲ್ಲವೂ ಸರಿಯಾಗಿದ್ದರೆ, ನಿಮ್ಮ ಅರ್ಜಿಯನ್ನು ಪೂರ್ಣಗೊಳಿಸಲು ‘Submit’ ಬಟನ್ ಕ್ಲಿಕ್ ಮಾಡಿ.
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 31-08-2026
ಪ್ರಮುಖ ಲಿಂಕ್ಗಳು:
HDFC Bank Parivartan Scholarship 2026-27 Application Link: Apply Online
ಅಧಿಕೃತ ವೆಬ್ಸೈಟ್: www.buddy4study.com
ಈ ಕೇಳಗಿನ ಸುದ್ದಿಗಳನ್ನು ಓದಿ:
