KKRTC Recruitment 2026: ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದಲ್ಲಿ ಚಾಲಕ ಹುದ್ದೆಗಳ ನೇಮಕಾತಿ

ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಸರ್ಕಾರಿ ಸಾರಿಗೆ ಸಂಸ್ಥೆಯಲ್ಲಿ ಚಾಲಕರಾಗಿ ಸೇವೆ ಸಲ್ಲಿಸಲು ಬಯಸುವವರಿಗೆ ಇದೊಂದು ಸುವರ್ಣಾವಕಾಶ. ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ (KKRTC Recruitment 2026) ಬೀದರ್‌ ವಿಭಾಗದಲ್ಲಿ ಖಾಲಿ ಇರುವ ಚಾಲಕ ಹುದ್ದೆಗಳನ್ನು ಭರ್ತಿ ಮಾಡಲು ವಾಕ್‌-ಇನ್ ಸಂದರ್ಶನ (Walk-in Interview) ಕರೆಯಲಾಗಿದೆ.

ಬೀದರ್ ಜಿಲ್ಲಾ ಕಾರ್ಮಿಕ ಸೇವೆಗಳ ವಿವಿದೋದ್ದೇಶ ಸಹಕಾರ ಸಂಘದ ಮೂಲಕ ಹೊರಗುತ್ತಿಗೆ ಆಧಾರದ ಮೇಲೆ ಒಟ್ಟು 78 ಚಾಲಕ ಹುದ್ದೆಗಳನ್ನು ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಆಸಕ್ತರು ನೇರವಾಗಿ ಸಂದರ್ಶನಕ್ಕೆ ಹಾಜರಾಗಬಹುದು.

ಎಲ್ಲೆಲ್ಲಿ ಖಾಲಿ ಇವೆ ಹುದ್ದೆಗಳು?:

ಬೀದರ್ ವಿಭಾಗದ ವ್ಯಾಪ್ತಿಗೆ ಬರುವ ಈ ಕೆಳಗಿನ ಘಟಕಗಳಲ್ಲಿ ಚಾಲಕರ ಕೊರತೆಯಿದ್ದು, ಆಯ್ಕೆಯಾದವರನ್ನು ಇಲ್ಲಿ ನಿಯೋಜಿಸಲಾಗುವುದು:

• ಬೀದರ್-1 ಮತ್ತು ಬೀದರ್-2 ಘಟಕಗಳು
• ಭಾಲ್ಕಿ, ಔರಾದ್
• ಬಸವಕಲ್ಯಾಣ ಮತ್ತು ಹುಮನಾಬಾದ್ ಘಟಕಗಳು.

ಹುದ್ದೆಗಳ ಲೆಕ್ಕಾಚಾರ (ಒಟ್ಟು 78):

ನೇಮಕಾತಿಯಲ್ಲಿ ಎರಡು ವಿಧಗಳಿದ್ದು, ಮೀಸಲಾತಿ ಅನ್ವಯ ಹುದ್ದೆಗಳನ್ನು ಹಂಚಿಕೆ ಮಾಡಲಾಗಿದೆ:

1. ಹೊಸ ಹುದ್ದೆಗಳು: 56 (ಸಾಮಾನ್ಯ-16, SC-5, ST-3, ಪ್ರವರ್ಗ 2A-5 ಇತ್ಯಾದಿ).
2. ಹಿಂಬಾಕಿ (Backlog) ಹುದ್ದೆಗಳು: 22 (ಪ್ರವರ್ಗ 2A-15, ಪ್ರವರ್ಗ 1-3, ಪ್ರವರ್ಗ 3A-4).

ಅರ್ಜಿ ಸಲ್ಲಿಸಲು ಅರ್ಹತೆಗಳೇನು?:

ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಕೇವಲ ಲೈಸೆನ್ಸ್ ಇದ್ದರೆ ಸಾಲದು, ಈ ಕೆಳಗಿನ ನಿಖರ ಅರ್ಹತೆಗಳು ಕಡ್ಡಾಯ:

1. ಶಿಕ್ಷಣ: ಎಸ್‌ಎಸ್‌ಎಲ್‌ಸಿ (SSLC) ಪಾಸಾಗಿರಬೇಕು.
2. ಲೈಸೆನ್ಸ್: ಭಾರಿ ವಾಹನ ಚಾಲನಾ ಪರವಾನಗಿ (HTV License) ಮತ್ತು ಕರ್ನಾಟಕ ಬ್ಯಾಡ್ಜ್ ಹೊಂದಿರಬೇಕು. ಲೈಸೆನ್ಸ್ ಪಡೆದು ಕನಿಷ್ಠ 2 ವರ್ಷ ಆಗಿರಬೇಕು.
3. ಅತ್ಯಂತ ಪ್ರಮುಖ ಅರ್ಹತೆ: ಅಭ್ಯರ್ಥಿಯು ಈಗಾಗಲೇ ಕೆಕೆಆರ್‌ಟಿಸಿ, ಕೆಎಸ್‌ಆರ್‌ಟಿಸಿ, ಬಿಎಂಟಿಸಿ ಅಥವಾ ವಾಯುವ್ಯ ಕರ್ನಾಟಕ ಸಾರಿಗೆ ಸಂಸ್ಥೆಗಳಲ್ಲಿ ನಡೆಸಲಾದ ‘ಗಣಕೀಕೃತ ಚಾಲನಾ ಪಥದ ಟ್ರ್ಯಾಕ್ ಟೆಸ್ಟ್’ನಲ್ಲಿ (Track Test) ಉತ್ತೀರ್ಣರಾಗಿರಬೇಕು. ಅದರ ದಾಖಲಾತಿ ಇದ್ದವರಿಗೆ ಮಾತ್ರ ಸಂದರ್ಶನಕ್ಕೆ ಅವಕಾಶವಿರುತ್ತದೆ.

ವಯೋಮಿತಿ:

• ಕನಿಷ್ಠ ವಯಸ್ಸು: 24 ವರ್ಷ ತುಂಬಿರಲೇಬೇಕು.
• ಗರಿಷ್ಠ ವಯಸ್ಸು:
  • ಸಾಮಾನ್ಯ ವರ್ಗ: 35 ವರ್ಷ.
  • 2A, 2B, 3A, 3B: 38 ವರ್ಷ.
  • SC/ST ಮತ್ತು ಪ್ರವರ್ಗ-1: 40 ವರ್ಷ.

ಸಂದರ್ಶನ ಯಾವಾಗ? ಎಲ್ಲಿಗೆ ಹೋಗಬೇಕು?

ಯಾವುದೇ ಲಿಖಿತ ಪರೀಕ್ಷೆ ಇರುವುದಿಲ್ಲ. ನೇರವಾಗಿ ದಾಖಲೆ ಪರಿಶೀಲನೆ ಮತ್ತು ಸಂದರ್ಶನ ನಡೆಯಲಿದೆ.

• ದಿನಾಂಕ: ಫೆಬ್ರವರಿ 03, 2026 ಮತ್ತು ಫೆಬ್ರವರಿ 04, 2026.
• ಸಮಯ: ಬೆಳಿಗ್ಗೆ 12:00 ಗಂಟೆಯ ಒಳಗಾಗಿ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು. ತಡವಾಗಿ ಬರುವವರನ್ನು ಪರಿಗಣಿಸುವುದಿಲ್ಲ.
• ಸ್ಥಳ: ಕಕರಸಾ ನಿಗಮದ ಹಳೆ ಬಸ್ ನಿಲ್ದಾಣ, ಬೀದರ್‌ ವಿಭಾಗೀಯ ಕಚೇರಿ.

KKRTC Recruitment 2026 ಬೇಕಾಗುವ ದಾಖಲೆಗಳು:

ಸಂದರ್ಶನಕ್ಕೆ ಹೋಗುವಾಗ ಈ ಕೆಳಗಿನ ಮೂಲ ದಾಖಲೆಗಳು (Originals) ಮತ್ತು 2 ಸೆಟ್ ಜೆರಾಕ್ಸ್ ಹಾಗೂ 2 ಪಾಸ್‌ಪೋರ್ಟ್ ಅಳತೆಯ ಫೋಟೋ ತೆಗೆದುಕೊಂಡು ಹೋಗಿ:

1. SSLC ಅಂಕಪಟ್ಟಿ.
2. ಚಾಲನಾ ಪರವಾನಗಿ (HTV License) ಮತ್ತು ಬ್ಯಾಡ್ಜ್.
3. ಟ್ರ್ಯಾಕ್ ಟೆಸ್ಟ್ ಪಾಸ್ ಆದ ಬಗ್ಗೆ ದಾಖಲೆ/ಅಂಕಪಟ್ಟಿ.
4. ಆಧಾರ್ ಕಾರ್ಡ್.
5. ಜಾತಿ ಪ್ರಮಾಣ ಪತ್ರ.

ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಪ್ರಕಟಣೆ: ಓದಿ

ಚಾಲಕ ವೃತ್ತಿಯಲ್ಲಿ ಆಸಕ್ತಿ ಇರುವ ನಿಮ್ಮ ಸ್ನೇಹಿತರಿಗೆ ಈ ಮಾಹಿತಿಯನ್ನು ಈಗಲೇ ಶೇರ್ ಮಾಡಿ!

ಇತರೆ ಮಾಹಿತಿಗಳನ್ನು ಓದಿ:

KSCCF Recruitment 2026

Prize Money Scholarship 2026